Тақырыбы: «Балаңыз балабақшаға баруға дайын ба?» 

1.Балаңыз қалай ұйықтайды? 

А) тез ұйықтайды 

Ә) жай 

Б) тыныш 

Г) тынымсыз 

1. Балаңызды ұйықтату үшін не істейсіз? 

А) шайқап 

Ә) өзі жатып ұйықтайды. 

Б) арқасынан сипап 

1. Балаңыздың жақсы көретін ойыншығы және қандай ойындар ойнайды? 

...........................................................................................................

4.Балаңызға ойнауға телефон бересіз бе? Егер берсеңіз неше сағатқа бересіз?

А) 1-2 сағаттан көп 

Ә) 1 сағаттан кем емес 

5.Балаңыздың тәбеті қандай? 

А) жақсы 

Ә) тамақты таңдап жейді 

Б) тамаққа тәбеті төмен

6.Балаңыздың қандайда бір теріс әрекеті бар ма? 

А) тістеп алады, саусаған сорады т.б

 ә) ондай теріс әрекеті жоқ. 

7.Үйдегі жаңа заттарға немесе ойыншықтарға балаңыз тез назар аудара ма? А) ия Ә) жоқ Б) кейде 

1. Балаңыз қалай ойнайды? А) өзі ойнайды Ә) жалғыз өзі ойнамайды. 

9.Аулада балалармен қарым - қатынасы? А) тез түседі Ә) таңдап Б) қиын 

10. Балаңыз сіздерден бөлектеніп көрді ме? А) ия Ә) жоқ Б) бөлектенгенде жеңіл көтереді Г) қиын 

Қорытынды ұсыныс: ата-аналарға үй жағдайында жүрген баланы бөбекжайда  серуендетіп, сырттай бақылау жасатып, баланы психологиялық тұрғыда дайындау керектігі жөнінде кеңестер берілді. Бөбекжай тәртібін, ас мәзірін үй жағдайында қолдану жөнінде ұсыныс берілді. 

Педагог-психолог: Ш.Б.Нурмаханова.

«Балабақшадағы бір күнім».

Балабақшадағы бір күн – бұл бала үшін жаңа тәжірибелер мен даму мүмкіндіктеріне толы уақыт. Ата-аналарға баланың балабақшадағы күнін сәтті өткізуге көмектесу үшін келесі кеңестерді ұсынамын:

1. Күні бойы эмоцияларды түсіну

Бала алғаш рет балабақшаға бара бастағанда, ол үлкен өзгерістерге тап болады. Әр түрлі тәрбиешілер, балалар, ойындар және ережелер оның көңіл күйіне әсер етуі мүмкін. Баланы мұқият тыңдап, оның сезімдерін түсінуге тырысыңыз.

2. Күн тәртібімен танысу

Балабақшаның күн тәртібін біліп алыңыз. Бұл сізге баланың күнін жақсырақ түсінуге көмектеседі. Үйде осы кестені қолдау, мысалы, ұйқы немесе тамақтану уақытын ұқсас етіп жасау, балаға жеңіл бейімделуге көмектеседі.

3. Позитивті әңгімелесу

Баланың балабақшадағы күні туралы жағымды әңгімелер жүргізіңіз. Мысалы, "Бүгін қандай қызықты ойындар ойнадың?" немесе "Қандай жаңа достар таптың?" деген сұрақтар балаға өз сезімдерін ашық білдіруге көмектеседі.

4. Өтпелі кезеңді қолдау

Егер балаңызға балабақшаға бейімделу қиын болса, оған қосымша қолдау көрсетіңіз. Таңертең балабақшаға кетер алдында кішкентай, таныс ойыншық немесе бір-біріңізге жылы лебіздер білдіру арқылы балаңызға қауіпсіздік сезімін беріңіз.

5. Өзін-өзі күтуге үйрету

Балабақша – бұл балалардың өзін-өзі күту дағдыларын дамытатын тамаша орын. Оларға киіну, тамақ ішу немесе ойыншықтарды жинау сияқты міндеттерді орындауға үйрету өз бетінше болуға үйретеді және өзіне сенімділікті арттырады.

6. Тәрбиешілермен тығыз байланыста болу

Тәрбиешілермен үнемі байланыста болу арқылы баланың күнделікті дамуын қадағалап отырыңыз. Балабақшадағы тәрбиешілер балаңыздың мінез-құлқы мен дамуы туралы құнды ақпарат бере алады, ал сіз үйде тәрбиешілердің ұсыныстарын ескеріп, балаға қолдау көрсете аласыз.

7. Ойын арқылы даму

Ойын – балабақшадағы балалар үшін басты іс-әрекет. Баланы ойынға ынталандырып, оның ойындарына қатысуы арқылы оның қиялын, әлеуметтік дағдыларын және ойлау қабілетін дамыта аласыз.

Балаңыздың балабақшадағы күні оның болашақта жеке тұлға ретінде қалыптасуына үлкен әсер етеді. Сондықтан оның дамуы мен оқу процесіне белсенді түрде қатысу – оның эмоционалды және әлеуметтік әл-ауқатын қолдайды.

Педагог-психолог: Нурмаханова Шамшат Баянгалиевна.

 «Балабақшаға алғаш келгенде» ата-аналарға арналған кеңес

Танымайтын ортада жарты сағат болудың өзі балаға өте ауыр тиеді. Сондықтан алғаш  балабақшаға барған бала жаңа ортаға бірден бейімделіп кете алмайтындықтан, ата-аналарға бірнеше ақыл-кеңес ұсынамыз:

·        Баланыды бөгде (тыныс емес) адамдармен, үлкендермен, балалармен қарым-қатынас жасауға бейімдеңіз.

·         Балалар саябағына, мерекелерге, ойын аландарына үнемі апарып, құммен ойнауға үйретіңіз.

·        Достарының туған күніне балаңызбен бірге барып, өзін қалай ұстайтынын бақылыңыз (ұялшақтығы, балалармен тіл табысуы, еркін сезінуі т.б.)

·        Мамандардың айтуынша баланың балабақшаға баруы өте маңызды. Балабақшада тәрбиеленген  бала мектепке баруға ғана дайындалып қоймай, психологиялық әлеуметтік тұрғыдан да дайындалады. Егер  қолыңыз бос болса , баланы төртке  толғанша анасы өзі баққаны дұрыс. Себебі, бұл жасқа дейін сәби  анасына тым жақын болады да, анасынан бөлек өмірге көнгісі келмейді, қыс бойы ауырып, мазасы кетеді.

·        Балаңыз балабақшаға берердің алдында балабақшамен және тәрбиешімен, балалармен таныстырып, баланың назарын таныс ойыншықтарға аударыңыз. Балаңызға не ұнайтының, не ұнамайтынын, қандай дағдыларды меңгергендігін, қандай көмек керек екендігі, мадақтау мен жазалаудың қандай түрін қолданутиімді анықтап алаңыз.

·        Алғашқы күні балаңызды балалардың серуені кезінде алып келіңіз. Бұл орын үйіңіздің алдындағы аулаға ұқсайтындықтан, бала көп жатсына қоймайды, балалармен, тәрбиешімен танысуға ыңғайлы.

·        Егер бала бейтаныс адамдарға  жақындамаса , күштеп, зорлап әрекет жасаудан аулақ болыңыз. Бала бейтаныс адамдарға біртіндеп  үйренеді.

·        Балаңыз балабақшаға алғаш келген күні жалғыз қалдырмаңыз. Азғана уақыт  болса да, балаңызды қасында болыңыз. Жаңа ортада анасының қасында  болуы баланың сенімділігін арттыра түседі.

·        Баланың балабақшада болатын уақытын көбейте  отырып, үйдегі жағдайды балабақшадағы күн тәртібіне ұқсас ұйымдастырыңыз, балаңызды өз бетімен киінуге, шешінуге, тамақтануға, беті-қолын жууға т.б. үйретіңіз.

·        Басқа балалардың жылағанын көрмес үшін балаңызды балабақшаға сәл кештеу әкеліңіз. Алайда  бұл жөнінде тәрбиешімен ақылдасып алуды ұмытпаңыз.

·        Кешке жақын балаңызды балабақшадан алып қайтарда ата-аналар балаларына қалай келетінің, қандай көңіл-күймен қарсы алатының, балалар бір-бірімен қалай қоштасатының бақылаңыз. Бұл балаңызды балабақшаға еркін келуіне жол ашады.

·        Балабақшадан қайтарда балаңыздан кіммен достасқаны, қандай ойыншықпен ойнағаны туралы сұрап біліңіз. Жақсы істеріне үнемі қолдау көрсетіп отырыңыз.

Балаға не үйрете аламыз?